حضرت ولی عصر تحقیقاتی مرکز : پاکستان کے شیعہ علماء کونسل کے سیکریٹری جنرل حجۃ الاسلام والمسلمین شبیر حسن میثمی نے کہا کہ ہمارا دشمن انتہائی کمزور ہے اور مغرب مزاحمت کے محور سے اس قدر خوفزدہ ہے کہ وہ اپنے ڈیجیٹل میڈیا پر مزاحمت کے شہداء کی تصاویر تک برداشت نہیں کر سکتا۔
شبیر حسن میثمی نے اپنے وفد کے ہمراہ "عالمی مظلومین کی حمایت اور مزاحمت" کے موضوع پر قونصلیٹ جنرل ایران میں منعقدہ کانفرنس میں خصوصی شرکت کی۔
اس موقع پر ایران کے قونصل جنرل حسن نوریان نے سیکریٹری جنرل کا استقبال کیا۔ تقریب میں قومی وحدت کونسل کے صدر صاحبزادہ ابوالخیر محمد زبیر بھی بطور خصوصی مہمان موجود تھے۔
اپنے خطاب میں حجۃ الاسلام شبیر حسن میثمی نے کہا: ہمارا دشمن انتہائی کمزور اور شکست خوردہ ہے۔ مغرب مزاحمت کے محور سے اس قدر خوفزدہ ہے کہ وہ مزاحمت کے شہداء کی تصاویر کو بھی اپنے ڈیجیٹل میڈیا پر برداشت کرنے کی سکت نہیں رکھتا۔ یہ صورتحال عظیم شہداء کی قربانیوں کا نتیجہ ہے، جس کی وجہ سے ہمارے بچے بھی شہادت کی آرزو رکھتے ہیں۔
