حضرت ولی عصر تحقیقاتی مرکز : حرم امام رضا(ع) کی نورانی بارگاہ کے خادمین کے ایک وفدنے لبنان کی مزاحمتی اور غیرت مند عوام کی مدد کے لئے شہر حمص، دمشق اور بیروت کا سفر کیا۔
اس سفر کے دوران حرم امام رضا(ع) کے خادموں نے متبرک تحائف اورکرامت رضوی فاؤنڈیشن کی جانب سے پانچ ہزار کمبل عطیہ کئے ،اس کے علاوہ حرم امام رضا علیہ السلام کے گنبد مطہر کے پرچم کو گھر گھر لے گئے تاکہ ان کے بے چین دلوں کو اس پرچم کی وجہ سے سکون پہنچے اور ساتھ میں انہیں متبرک نمک اور مصری بھی ہدیہ کی۔
اس رپورٹ کے مطابق؛ ایرانی جہادی فورسزز نے لبنانی عوام کے ساتھ مل کر ایک باورچی خانہ بھی تیار کیا تاکہ ان لبنانی پناہ گزینوں کو کھانا فراہم کیا جا سکے۔
حرم امام رضا(ع) کے خادم اس سفر کے دوران شام میں حضرت زینب کبریٰ(س) کے یوم ولادت کی مناسبت سے منعقد ہ جشن میں بھی تشریف لے گئے اس کے علاوہ حرم مطہر حضرت رقیہ (س)کے لئے قیمتی جواہرات سے بنی چادر بھی ہدیہ کی جسے حضرت رقیہ(س) کی ضریح مطہر پر چڑھایا گیا،اس چادرکو حرم امام رضا(ع) کی بیس خدمتگزار خواہران نے ڈیڑھ سال کی مدت میں تیار کیا۔
