2017 September 22
آل سعود دنیا میں دہشت گردی کا سب سے بڑا ذمہ دار
مندرجات: ٩٤١ تاریخ اشاعت: ١٦ August ٢٠١٧ - ١١:٤٧ مشاہدات: 30
خبریں » پبلک
آل سعود دنیا میں دہشت گردی کا سب سے بڑا ذمہ دار

امریکا کے فاکس نیوز چینل نےکہا ہے کہ پوری دنیا میں دہشت گردی کی سب سے بڑی ذمہ دار سعودی حکومت ہے۔

اہل بیت(ع) نیوز ایجنسی ۔ ابنا ۔ کی رپورٹ کے مطابق امریکا کے قدامت پسند ٹیلی ویژن چینل، فاکس نیوز نے جو امریکی انتظامیہ سے بیحد قریب ہے اپنی ایک غیر معمولی رپورٹ میں سعودی عرب پر جم کر تنقید کی ہے اور ریاض پر الزام عائد کیا ہے کہ وہ پوری دنیا میں ہورہی دہشت گردی کا سب سے بڑا ذمہ دار ہے- فاکس نیوز چینل نے اپنے پروگرام سوامپ واچ میں گیارہ ستمبر کے حملوں میں سعودی عرب کے کردار کی جانب اشارہ کرتے ہوئے کہاکہ سعودی عرب ہر ملک سے زیادہ دہشت گردانہ خطروں کا ذمہ دار ہے کہ جن سے آج دنیا دوچار ہے-
فاکس نیوز نے سعودی حکمرانوں کو دہشت گردی اور انتہا پسندی کی ترویج کا ذمہ دار بتایا - یمن میں سعودی عرب کی جنگ پر فاکس نیوز کی تنقید بھی اس ٹی وی چینل کی پالیسی میں ایک بڑی تبدیلی ہے جس نے ماضی میں بارہا یمن میں سعودی جارحیت کا دفاع کیا تھا - فاکس نیوز نے سعودی عرب پر یہ حملہ ایک ایسے وقت کیا ہے جب امریکی صدر ٹرمپ نے اقتدار سنبھالنے کے بعد اپنے پہلے غیر ملکی دورے کے لئے سعودی عرب کا انتخاب کیا تھا -




Share
* نام:
* ایمیل:
* رائے کا متن :
* سیکورٹی کوڈ:
  

آخری مندرجات
زیادہ زیر بحث والی
زیادہ مشاہدات والی