2017 August 20
آل سعود عصر حاضر کے منافقین ہیں/ آج پھر شیطانی طاقتیں دینِ اسلام کو مٹانے کے لئے میدانِ عمل میں آچکی ہیں
مندرجات: ٨٤٦ تاریخ اشاعت: ٠٦ July ٢٠١٧ - ١٠:١٦ مشاہدات: 44
خبریں » پبلک
آل سعود عصر حاضر کے منافقین ہیں/ آج پھر شیطانی طاقتیں دینِ اسلام کو مٹانے کے لئے میدانِ عمل میں آچکی ہیں

ایم ڈبلیو ایم سندھ کے سیکرٹری جنرل کا کہنا ہے کہ آج پھر شیطانی طاقتیں دینِ اسلام کو مٹانے کے لئے میدانِ عمل میں آچکی ہیں۔ عالمی سامراجی قوتوں نے داعشی دہشتگردوں کے ذریعے دینِ مقدس اسلام کی حقیقی تعلیمات کو مسخ کرنے کی ناپاک جسارت کی ہے۔

 اہل بیت(ع) نیوز ایجنسی ۔ ابنا ۔ کی رپورٹ کے مطابق مجلس وحدت مسلمین صوبہ سندھ کے سیکرٹری جنرل علامہ مقصود علی ڈومکی نے کہا ہے کہ امیرالمومنین امام علی علیہ السلام کی حیات طیبہ عالم انسانیت کے لیے مشعلِ راہ ہے، امام علی علیہ السلام نے دینِ خدا کی سر بلندی کے لئے پوری زندگی جدوجہد کی اور تمام مشکل اوقات میں دینِ خدا کا سہارا بنے۔ 
امام علی علیہ السلام ایک انسان کامل اور بشریت کے لیے نمونہ عمل ہیں۔ ہم سیرت علوی کو اپنا کر دنيا میں عظیم مقام حاصل کر سکتے ہیں۔ انہوں نے کہا کہ آج پھر شیطانی طاقتیں دینِ اسلام کو مٹانے کے لئے میدانِ عمل میں آچکی ہیں۔ 
عالمی سامراجی قوتوں نے داعشی دہشتگردوں کے ذریعے دینِ مقدس اسلام کی حقیقی تعلیمات کو مسخ کرنے کی ناپاک جسارت کی ہے۔ 
امام علی علیہ السلام کی سیرت اپنا کر ہم اس دور کے نظام کفر نظام طاغوت کا مقابلہ کر سکتے ہیں۔ آل سعود عصر حاضر کے وہ منافقین ہیں جو دینِ اسلام کے خلاف مسلسل سازشیں کر رہے ہیں۔ 
مولا علی علیہ السلام کے پیروکاروں کو با بصیرت ہونا چاہئے تاکہ وہ دشمن کی سازشوں کا مقابلہ کر سکیں۔ انہوں نے کہا کہ پاکستان میں سیرت علوی کو اپناتے ہوئے ہم اسلام دشمن قوتوں کا مقابلہ کریں۔




Share
* نام:
* ایمیل:
* رائے کا متن :
* سیکورٹی کوڈ:
  

آخری مندرجات
زیادہ زیر بحث والی
زیادہ مشاہدات والی