2018 July 22
اسرائیل کے تحفظ کے لئے شام میں امریکی فوج کا باقی رہنا ضروری ہے محمد بن سلمان
مندرجات: ١٤٣٧ تاریخ اشاعت: ٠٣ April ٢٠١٨ - ١٣:٠٧ مشاہدات: 89
خبریں » پبلک
اسرائیل کے تحفظ کے لئے شام میں امریکی فوج کا باقی رہنا ضروری ہے محمد بن سلمان

سعودی عرب کے ولیعہد محمد بن سلمان نے امریکی میگزین ٹائم کے ساتھ گفتگو میں شام میں امریکی فوج کے باقی رہنے کا مطالبہ کرتے ہوئے کہا ہے کہ اسرائیل کے تحفظ کے لئے شام میں امریکی فوج کا باقی رہنا ضروری ہے۔ سعودی عرب کے امریکہ نواز ولیعہد نے کہا کہ خطے میں ایران کے اثر اور رسوخ کو کم کرنے کے لئے شام میں امریکی فوج کا حضور ضروری ہے۔

محمد بن سلمان نے کہا کہ شامی سرزمین پر باقی رہنے کی صورت میں امریکی فوج شام کے مستقبل کے بارے میں اپنا کردارادا کرسکے گی۔

سعودی عرب کے ناتجربہ کار ولیعہد نے اس سے قبل وال اسٹریٹ جنرل کے ساتھ گفتگو میں کہا تھا کہ اگر ایران کے خلاف اقتصادی پابندیاں مؤثر ثابت نہ ہوئیں تو سعودی عرب ایران کے خلاف جنگ چھیڑ دےگا۔

سعودی عرب کےولیعہد نے ایسے میں شام میں امریکی فوجیوں کی موجودگی پر تاکید کی ہے کہ جب امریکی صدرڈونلڈ ٹرمپ نے ریاست ورجینیا کے شہر رچمونڈ میں تقریب سے خطاب کرتے ہوئے شام سے امریکی فوجیوں کے انخلا کی بات کی تھی۔




Share
* نام:
* ایمیل:
* رائے کا متن :
* سیکورٹی کوڈ:
  

آخری مندرجات
زیادہ زیر بحث والی
زیادہ مشاہدات والی