2017 December 11
آل سعود و آل یہود کے مابین حیرت انگیز تعلقات اور تعہدات سے متعلق نئے انکشافات
مندرجات: ١١٢٧ تاریخ اشاعت: ١٥ November ٢٠١٧ - ١٦:١٦ مشاہدات: 16
خبریں » پبلک
آل سعود و آل یہود کے مابین حیرت انگیز تعلقات اور تعہدات سے متعلق نئے انکشافات

لبنانی ذرائع نے ایسی خفیہ دستاویز جاری کی ہیں جس میں سعودی شہزادوں کی جانب سے اسرائیل کے ساتھ تعلقات معمول پر لانے، فلسطینیوں کی واپسی کے حق کو ختم کرنے اور بیت المقدس کو عالمی شہر بنانے کی سازش کا انکشاف کیا گیا ہے۔

 خبر رساں اداسرے تسنیم کے مطابق لبنانی ذرائع ابلاغ نے سعودی عرب کے ولی عہد محمد بن سلمان کے نام وزیر خارجہ عادل الجبیر کے نہایت خفیہ خط کی بنیاد پر انکشاف کیا ہے کہ انہوں نے امریکہ کے ساتھ اسٹریٹیجک پارٹنر شپ کی بنیاد پر اسرائیل اور سعودی عرب کے درمیان تعلقات معمول پر لانے کا مشورہ دیا ہے۔

پہلی بار ایسی دستاویز منظر عام پر آئی ہیں جس سے ان تمام رپورٹوں کی تصدیق ہوتی ہے کہ جن میں کہا گیا تھا کہ امریکہ، سعودی عرب اور اسرائیل کے درمیان امن معاہدہ کرانے کی کوشش کر رہا ہے اور اسی منصوبے کے تحت سعودی شہزادے صیہونی حکام سے ملاقاتیں بھی کرتے رہے ہیں۔

اس دستاویز سے اس بات کی بھی نشاندہی ہوتی ہے کہ سعودی عرب، اسرائیل کے مفاد میں تحریک مزاحمت اور خاص طور سے حزب اللہ کو کمزور کرنے کی کوشش کرے گا۔

سعودی وزیر خارجہ کے خط میں بیت المقدس شہر کو عالمی اداروں کی نگرانی میں دینے کی بات کی گئی ہے۔




Share
* نام:
* ایمیل:
* رائے کا متن :
* سیکورٹی کوڈ:
  

آخری مندرجات
زیادہ زیر بحث والی
زیادہ مشاہدات والی