ان کا کہنا تھا کہ پنجاب حکومت قانون و انصاف کی برملا تضحیک کر رہی ہے۔عدالت عالیہ کے حکم کے باوجود ناصر شیرازی کو عدالت کے سامنے پیش نہیں کیا گیا۔ علامہ اصغر عسکری نے کہا کہ ناصر شیرازی ایک سیاسی جماعت کا مرکزی رہنما ،ہائی کورٹ کا سینئر وکیل ہے ۔اتحاد بین المسلمین کے لیے ناصر شیرازی کی کوششوں کی تمام سیاسی جماعتیں معترف ہیں۔ناصر شیرازی پاکستان میں بڑھتی ہوئی تکفیریت کے خلاف للکار سمجھے جاتے ہیںاور انہیں اسی جرم کی سزا دی جا رہی ہے۔احتجاجی مظاہرے میں موجود شرکاء نے بینرز اور پلے کارڈز اُٹھا رکھے تھے جن پر ناصر شیرازی اور دیگر گمشدہ عزاداروں کی بازیابی کے لئے نعرے درج تھے ۔